मंसिर १० गते मेल्लेख गाउँपालिका अछामका अध्यक्ष ज्वाला सिं साउदले आफूले पाउने एक वर्षको तलब सेवा सुविधा बाट अपांग मैत्री चार पांग्रे स्कुटर सहयोग हुने गरि आईतवार हस्तान्तरण गर्नु भएको छ । कानुन अनुसार गाउँपालिका अध्यक्षले प्राप्त गर्ने तलब सुविधा बापतको रकम बाट मेल्लेख गाउँपालिका वडा न.४ कुस्काेट खाडाका स्थानीय नृप साउद लाई २ लाख ५० हजार बराबरको स्कुटर सहयोग गर्नुभएको हो ।
अपांग भएका साउद २०७६ भदौ १३ गते वडा न ७ नन्देगडा बजार नजिक जिब दुर्घटनामा परि गंभिर घाइते भइ लामाे समयकाे उपचार पछि घर फर्केका थिए ।
२४ बर्षिय युवा अशक्त साउदकाे दुईवटा खुट्टा नचल्ने भएको अबस्थामा हातले चलाउन मिल्ले चार पांग्रे स्कुटर सहयोग गरेकाे अध्यक्ष साउदले जानकारी गराउन भएको छ । यसरी मेल्लेख गाउँपालिका अध्यक्ष साउद द्वारा स्कुटर सहयोग गरेपछि आफू मन लागेकाे ठाउँ जान सक्ने र राेजगार समेत हुने भएपछि आफू निकै खुसि भएको अशक्त नृप साउद बताएका छन ।
