समाचार

अधिकार प्राप्त गर्न महिलाले रचनात्मक आन्दोलन गर्नुपर्नु पर्छ : मन्त्री भुसाल

उर्जा,जलस्रोत तथा सिंचाईमन्त्री पम्फा भुसालले आफ्नो अधिकार प्राप्त गर्न महिलाले रचनात्मक आन्दोलन गर्नुपर्ने बताउनुभएको छ । 

आईतवार काठमाडौंमा मनिषा आर्चायद्वारा लिखित छोरी उपन्यास विमोचन कार्यक्रममा बोल्दै मन्त्री भुसालले यस्तो बताउनु भएको हो । उहाँले १७ प्रतिशत महिला अझै अधिकार पाउनबाट वञ्चित रहेको भन्दै महिलाले रचनात्मक आन्दोलन गर्नुपर्ने बताउनु भयो । 

उहाँले संविधान र कानूनमा ३३ प्रतिशत महिला अधिकार भनिएपनि अझै १७ प्रतिशत महिला अधिकारबाट बञ्चित रहेको बताउनु भयो । उहाँले अधिकार खोज्नु महिलाहरुको राजनीति,कानूनी अधिकार भएको दाबी गर्नुभयो । 

मन्त्री भुसालले संविधान र कानूनले सम्पतीको हकमा महिला पुरुष दुवैलाई सम्मान अधिकार दिएपनि व्यवहारमा लागू नभएको जिकिर गर्नुभयो । उहाँले मुलुकमा १० वर्षे जनयुद्ध लडेर गणतन्त्र ल्याएर देशमा राजा हटाएको भन्दै जन्मदै मालिक हुने छोरा, घरको मालिक हुने पुरुष र घरघरमा राजा र युवा राजा भन्ने अवस्था नभएको बताउनु भयो । 

मन्त्री भुसालले पछिल्लो समय राज्य सञ्चालन युवाले गर्नुपर्ने कुरा आएको भन्दै राष्ट्रको नेतृत्व विचारले गर्नुपर्ने बताउनु भयो । उहाँले नयाँ विचार भए युवा पुरुष महिला वा वृद्धा जसले गर्दा पनि फरक नपर्ने बताउनु भयो । 

मन्त्री भुसालले अहिल महिलाको समस्या महिलाको नभएर समाज र राष्ट्रको भएको दाबी गर्नुभयो । उहाँले अब महिलाले न्याय, समानता र स्वतन्त्रताको कुरा उठाउन नपर्ने गरी व्यवहारिक बनाउनु पर्ने भन्दै व्यहारमा लागू नभएको स्थानमा नयाँ रचनात्मक आन्दोलन युवाले गर्नुपर्ने आवश्यकता पर्ने जिकिर गर्नुभयो । 

सेयर गर्नुहोस् :