मेल्लेख गाउँपालिकाले वाख्रा पालन कृषकलाई आत्मनिर्भर बनाउन तालिम दिएको छ । कुनै तालिम नलिइकन बाख्रा पाल्दै आएका कृषकले विशेष किसिमको तालिम पाएपछि बाख्रा पालनमा सहजता हुने बताएका छन् । गाउँपालिकाका आठ वटै वडाका २४ जना कृषकलाई तालिम प्रर्दान गरिएको पशु सेवा शाखाका भेटेरिनरी अधिकृत कृष्ण बहादुर रोकायले जानकारी दिनुभयो । बाख्रा पाल्ने, हुर्काउने, खोरको अवस्था र सामान्य खालको रोगको निदान जस्ता विषयमा तालिम दिएर कृषकलाई आत्मनिर्भर बनाउने काम गरेको भेटेरीनरी अधिकृत रोकायको भनाई रहेको छ ।
तालिममा सहभागि जनचेतना कृषि तथा पशुपन्छि फर्मका सञ्चालक गगन सिंह महरले तालिमबाट वाख्रा पालनलाई व्यवसायीक रुपमा कसरी अघि बढाउन सकिन्छ भनेर जानकारी पाएको बताउनुभयो । तालिमले आफुलाई बाख्रा पालनमा सघाउ पुग्ने विश्वास व्यक्त गर्नुभयो । अहिले सम्म हामीले आफ्नै तरिकाले बाख्रा पाल्दै आएका थियौ । हामीले अहिले सम्म दुःख मात्रै गरेका रहेछौं, अव यो तालिमले हामीलाई धेरै सिकाएको छ । तालिमबाट बाख्रा पाल्ने, खोरको व्यवस्थापन, रोग लागेमा उपचारका विधिका वारेमा जानकारी पाएको महरको भनाई रहेको छ । तालिम लिएर अव घर फर्केपछि तालिमको उपयोग गर्दै बाख्रा पालनमा हाम्रो जागर बढ्ने उहाँको भनाई रहेको छ । उहाँले गाउँपालिकाले वाख्रा पालन व्यवसयालाई अझै फस्टाउनको लागि अनुदानका कार्यक्रम उपलब्ध गराउनको लागि माग गर्नुभएको छ ।तालिममा कृषम मिन महरले तालिमबाट धेरै उपलव्धि हासिल गरेको बताउनुभयो । सामान्य वाख्रामा रोग लाग्दा मर्दै आएका थिए । सानो लगानिले सञ्चालन गरेको व्यवसायमा नोक्सान हुँदै आएको थियो । अव तालिमबाट सामान्य खालको रोगको निदानका वारेमा जानकारी पाएको बताउनुभयो । सामान्य रोगका लागि औषधी खोज्न हामी भौतारिन पथ्र्यो, यो तालिमपछि हामी भौतारिन नपर्ने अवस्था सिक्न पायौं । यस्तै उहाँले महरले बत्तिको व्यवस्था भएपनि भोल्टेज कम हुँदा घाँस काट्न, दान कुट्न भने समस्या हुने गरेको गुनासो सुनाउनुभयो । वत्तिको व्यवस्थाको लागि गाउँपालिकासँग आग्रह गर्नुभयो ।
पशु सेवा शाखाका भेटेरिनरी अधिकृत कृष्ण बहादुर रोकायले मेल्लेख गाउँपालिकामा वाख्रा पालनको लागि ८० वटा फर्म र एउटा समूह दर्ता भएको जानकारी दिनुभएको छ । मेल्लेखमा २७ हजार ५ सय वाख्रा र १ हजार २ सय भेडाको संख्या रहेको जानकारी दिनुभएको छ । उहाँले गाउँपालिकाका आठ वटै वडामा वाख्रा पालनको राम्रो सम्भावना रहेको जानकारी दिनुभयो । उन्नत खालका खसी बाख्रा उत्पादन गर्नका लागि गाउँपालिकाको हावापानी उपयुक्त रहेको छ । वाख्राको लागि चरिचरन, जंगल र घाँसको उपलब्धता प्राप्त मात्रामा रहेको भेटरीनरी अधिकृत रोकायको भनाई रहेको छ ।मेल्लेख गाउँपालिकाका अध्यक्ष ज्वाला सिंह साउदले गाउँपालिकाको नीति तथा कार्यक्रम मार्फत् नै मासुमा आत्मानिर्भर बनाउन खोजिएको जानकारी दिनुभएको छ । धेरै कृषकहरुले वाख्रा पालन गरेका छन् । तर उनिहरुसँग कुनै पनि प्रकारको व्यवसायी ज्ञान छैन् । कृषकलाई वाख्रा पालनको लागि खोर व्यवस्थापन, आहारा र सामान्य रोगको वारेमा ज्ञान नहुँदा वाख्रा पालन व्यवसाय फस्टाउन सकेको थिएन् । अव तालिमका माध्यमबाट बाख्रा पालन गरिरहेका व्यवसायी र व्यवसाय सुरु गर्ने कृषक दक्ष भएको उहाँको भनाई रहेको छ ।
गाउँपालिका यस अघि अनुदानका कार्यक्रम कृषकलाई उपलब्ध गराएको थियो । अहिले पनि गाउँपालिकाका सिफारिसमा प्रदेश र केन्द्र सरकारबाट वडा नं.६ शोडषा र वडा नं.७ नन्देगडमा वडामा ९० लाख रुपैया अनुदान प्राप्त भएको गाउँपालिका अध्यक्ष साउदको भनाई रहेको छ । गाउँपालिका भित्रका सबै कृषकलाई उन्नत खालका बाख्रा पाल्नको लागि आगामी दिनमा अभिप्रेरित गर्दै कृषकलाई खसी बाख्रा नै आम्दानीको मुख्य श्रोत बनाई पनि जानकारी दिनुभएको छ । बत्तिको व्यवस्था भएपनि भोल्टेज कम हुँदा घाँस काट्ने, दान कुट्ने समस्या रहेको बताउँदै अध्यक्ष साउदले नयाँ नयाँ ट्रान्समिटर राखेर उक्त समस्याको समाधान गरिने जानकारी दिनुभएको छ । गाउँपालिकालाई मासुमा आत्मनिर्भर बनाउँदै वाहिर निर्यात गर्ने उद्देश्य रहेको गाउँपालिका अध्यक्ष साउदको भनाई रहेको
